Ísland er líklega eitt tölvuvæddasta land í Evrópu miðað við höfðatölu en samt getum við ekki tekið upp rafrænar kosningar. Ég vil nú samt ekki vera að alhæfa of mikið því að einhver fyrirtæki hér á landi hafa sem betur fer tekið upp á því að bjóða upp á rafrænar kosningar og að því er virðist með ágætum árangri eins og til að mynda fyrirtækið Outcome sem virðist bjóða upp á ágætar lausnir í þessum efnum. Inni á heimasíðu þeirra kemur fram að þessi leið hafi til dæmis verið notuð íatkvæðagreiðslum um kjarasamninga og við stjórnar- og formannskjör í félögum. Mér þætti það ekki svo afleit hugmynd að Sjálfstæðisflokkurinn myndi taka þetta fyrirkomulag upp í sínum kosningum.

Sjálfstæðisflokkurinn kýs formann sinn á landfundi þar sem takmarkaður fjöldi fær að koma og kjósa sér formann. Hægt væri að breyta því þessu og draga úr kostnaði og ýmisri fyrirhöfn, með því að skrá sig í sögbækurnar og kjósa rafrænt um formann. Hver og einn sem að skráður er í Sjálfstæðisflokkinn fengi þá tölvupóst eða bréf með kjörseðli og fengi þar að kjósa sér formann, tryggja þyrfti að þetta væri nafnlaust og aðeins væri hægt að kjósa einu sinni sem er frekar auðvelt með nútíma tækni. Ekki myndi þetta bara vera kostnaðar minna heldur myndi þetta virkja þá meðlimi sem ekki fá sæti á landsfundi enn fremur í kosningum um formann Sjálfstæðisflokksins og flokkurinn myndi eflaust auka fylgi sitt enn meira. Einnig væri hægt að fá sterkari mynd af því hvað allir flokksmenn vilja hafa í forsvari fyrir sig.

Sjálfstæðisflokkurinn væri ef að þetta yrði gert fyrstur stjórnmálaflokka til að stíga skrefið inn í framtíðina hvað varðar kosningar en einnig myndi hann setja Alþingi línurnar upp á framtíðina og sýna öðrum hvað koma skal. Styrmir Gunnarson hefur margoft bent á þessa staðreynd að rafrænar kosningar séu hagkvæmasta leiðin fyrir Ísland þegar kemur að kosningum. Og fær hann alla mína hvatnigu til að halda áfram að vekja athygli á þessari staðreynd.Enda hvet ég ekki bara Sjálfstæðisflokkinn til að gera eitthvað í þessum efnum heldur líka Alþingi til að koma í gegn frumvarpi sem lögleiðir kosningar án notkun kjörseðla eða öðru nafni rafrænar kosningar.

Veisluhöldin hefjast kl. 19:00 með fordrykk, síðan sér Grillvagninn um aðalréttinn en í boði verður heilgrillað lambalæri og BBQ grilluð kalkúnabringa með gratinkartöflum, fersku salati með fetaosti, létt ristuðu grænmeti, hvítlauksbrauð, gulum baunum, hunangssinepssósu ásamt rauðvínssósu. Einnig verður borinn fram sérstakur eftirréttur svo enginn ætti að fara svangur heim.

Fólk má svo mæta með sína eigin drykki með matnum og til að væta kverkarnar eftir matinn.

Eftir borðhaldið mun DJ Arnór aka. NóriFlexx halda uppi stuðinu fram eftir nóttu.

Pétur Blöndal alþingismaður verður heiðursgestur og Illugi Gunnarsson mun sjá um veislustjórn.

Skráning fer fram á heimdallur@xd.is , mikilvægt er að panta sér miða fyrir 8.mars með því að senda nafn sitt á netfangið.
Miðinn kostar 4.900 kr.

Vonumst til að sjá sem flesta.

Stjórn Týs óskar bæjarfulltrúum Lista Kópavogsbúa, Framsóknarflokks og Sjálfstæðisflokks til hamingju með myndun nýs meirihluta í Kópavogi.

Stjórn Týs lýsir yfir sérstakri ánægju með framgöngu Rannveigar H. Ásgeirsdóttur, oddvita Y-listans í stjórnarmynduninni. Rannveig sýnir með framgöngu sinni í stjórnarmynduninni ábyrga hegðun gagnvart Kópavogsbúum sem höfðu þegar setið uppi með óstarfhæfan meirihluta í tæpan mánuð eftir að fráfarandi meirihluti hafði gert sig sekan um léleg vinnubrögð og ýmis mistök í störfum sínum fyrir Kópavogsbúa.

Stjórn Týs óskar Ármanni Kr. Ólafssyni nýkjörnum bæjarstjóra og öðrum fulltrúum meirihlutans velfarnaðar í nýjum meirihluta og brýnir sem fyrr fyrir bæjarfulltrúum Sjálfstæðisflokksins að hafa gildi flokksins um frelsi einstaklingsins í hávegum í störfum sínum fyrir Kópavogsbúa.

Hér að neðan má sjá myndir sem voru teknar um kvöldið

Til aðalstjórnar buðu sig fram Andri Steinn Hilmarsson, Benedikt Sigurðsson, Elvar Frímann Frímannsson, Guðbjörg Kristín Gunnarsdóttir, Hermann Jóhannesson, Hildur Hilmarsdóttir, Magnús Ingvar Magnússon og Styrmir Másson.

Til varastjórnar buðu sig fram Egill Örn Gunnarsson, Benedikt Hallgrímsson, Guðmundur Heiðar Helguson, Ingþór Hjálmarsson, Kristín Eva Ólafsdóttir og Rafn Steingrímsson.

Skipa þessir frambjóðendur nú formann, aðalstjórn og varastjórn Týs.

Engar lagabreytingartillögur voru bornar upp á fundinum.

1. Skýrsla stjórnar.
2. Reikningar lagðir fram.
3. Umræður um skýrslu og reikninga.
4. Lagabreytingar.
5. Kosning formanns, stjórnar og varastjórnar.
6. Önnur mál.

Samþykki aðalfundar þarf til við breytingu á röðun dagskrár.

Framboð til stjórnar og formanns skulu hafa borist stjórn félagsins eigi síðar en tveimur sólarhringum fyrir aðalfund. Framboðum (fullt nafn, kennitala, heimilisfang, netfang og símanúmer), sem og lagabreytingartillögum, skal skilað á tyr@tyr.is fyrir kl. 19:30 þriðjudaginn 31. janúar 2012.

1. Skýrsla stjórnar.
2. Reikningar lagðir fram.
3. Umræður um skýrslu og reikninga.
4. Lagabreytingar.
5. Kosning formanns, stjórnar og varastjórnar.
6. Önnur mál.

Samþykki aðalfundar þarf til við breytingu á röðun dagskrár.

Framboð til stjórnar og formanns skulu hafa borist stjórn félagsins eigi síðar en tveimur sólarhringum fyrir aðalfund. Framboðum (fullt nafn, kennitala, heimilisfang, netfang og símanúmer), sem og lagabreytingartillögum, skal skilað á tyr@tyr.is fyrir kl. 17:30 þriðjudaginn 31. janúar 2012.

Kópavogi, mánudaginn 23. janúar 2012

Ungir sjálfstæðismenn í Kópavogi gagnrýna fráfarandi meirihluta harðlega fyrir hækkun fasteignagjalda fyrir árið 2012. Ungir sjálfstæðismenn beina sjónum sínum þá sérstaklega að hækkun sorpeyðingargjalds sem hækkar um tæp 27%. Samkvæmt skýringum fráfarandi meirihluta er þetta gert vegna þess að til stendur að taka upp endurvinnslukerfi í bænum.

Fráfarandi meirihluti hefur hvorki sýnt fram á hagkvæmni né nauðsyn þess að ráðist sé í slíkar aðgerðir á kostnað bæjarbúa, fyrir utan það að endurvinnsla getur seint talist til lögbundinnar grunnþjónustu sveitarfélagsins. Ungir sjálfstæðismenn í Kópavogi telja því ástæðu til að velta því fyrir sér hvort fyrirhuguð endurvinnsla bæjarins sé vanhugsuð og sett fram á hæpnum forsendum.

Þjónustugjöld sem bæjarfélagið innheimtir samkvæmt lögum má í engum tilfellum nota í þeim tilgangi að sinna gæluverkum bæjarfulltrúa og þau má einungis til hagsbóta fyrir bæjarbúa.

Ungir sjálfstæðismenn í Kópavogi skora því á næsta meirihluta að afturkalla allar hækkanir fráfarandi meirihluta sem ekki eru nauðsynlegar og beina þeim óskum til hans að sýna fjármunum bæjarbúa meiri virðingu.

Þessi afstaða hennar þótti mér mjög áhugaverð, sérstaklega í ljósi þess að Ólína er auðvitað eins og flestir sammála því að þessa auðlind beri að nýta með sjálfbærum hætti, og þar að leiðandi væri ekki hægt að veiða meira en gert er í dag.

Það er yfirleitt hrópað húrra fyrir því þegar stjórnmálamenn lofa að skapa störf. En er það alltaf gott? Auðvitað er það gott þegar menn sjá sóknarfæri í atvinnulífinu eða í einhverri ákveðni starfsemi, en þegar menn sjá að aukning stöðugilda er ekki til þess fallin að skapa meiri verðmæti, þá eru menn bara að auka kostnað og skerða lífsgæði.

Ef fleiri starfa við sjávarútveg á Íslandi, þá fer meiri peningur í reksturinn sjálfan sem minnkar arðsemina. Ekki verður hægt að borga jafn há laun og áður, og greinin verður óskilvirkari og ósamkeppnishæfari.

Það er ekkert mál fyrir stjórnmálamenn að skapa störf. Það væri til dæmis alveg hægt að banna vörubíla og ráða fullt af fólki við að hlaupa með hjólbörur fram og til baka út um allan bæ, eða eins og gert var í kreppunni miklu, ráða fólk við að grafa skurði, og fylla þá svo aftur.

Auðvitað sjáum við að slíkar aðgerðir væru algjör vitleysa, en hugmyndir Ólínu eru í eðli sínu ekkert öðruvísi en að ráða fólk við að moka tilgangslausa skurði, og þar að leiðandi eru þær alveg jafn vitlausar.

Öll þjóðfélög eiga í kreppu að nýta það tækifæri sem kemur með niðursveiflum og gera alla kima atvinnulífsins skilvirkari. Reyna að takmarka hlutfall þeirra starfa sem eru ekkert nema kostnaður fyrir þjóðfélagið og hámarka hlutfall arðbærra starfa.

Alvöru velferð sköpum við ekki með að gera atvinnugreinar óskilvirkari. Alvöru velferð skapast aðeins með því að hvert og eitt starf skapi eins mikil verðmæti og mögulegt er. Aðeins þannig verðum við samkeppnishæf við nágrannaþjóðir okkar, og aðeins þannig sköpum við varanlega atvinnu.

Kópavogi, laugardaginn 12.11.2011

Skemmtikvöldið „Dirty night“ var auglýst á skemmtistaðnum Players í Kópavogi þann 12. nóvember 2011. Skemmtikvöldið stendur fullorðnu, sjálfráða fólki til boða og er lokað fyrir aðra.

Nú liggur fyrir að bæjarvöld hafa mikinn áhuga á að koma í veg fyrir fyrrgreint skemmtikvöld og sambærilegar skemmtanir og hefur jafnréttis- og mannréttindaráð bæjarins lýst því yfir að það muni kæra skemmtikvöldið til lögreglu á grundvelli brots á 29. gr. laga nr. 10/2008 um jafnan rétt kvenna og karla af þeirri ástæðu að ráðið telur myndband um viðburðinn brjóta á fyrrgreindri lagagrein. í fundargerð nefndarinnar segir: „Með því að hlutgera einstaklinga, bæði karla og konur, eins og sýnt er að verði gert á þessu kvöldi, er verið að senda röng skilaboð út í samfélagið og við viljum ekki að slíkt eigi sér stað í bæjarfélaginu okkar. Viðburðurinn er að áliti ráðsins niðurlægjandi fyrir alla sem í hlut eiga: konur, karla, bæjafélagið og skemmtistaðinn,”
Stjórn Týs fær ekki séð hvernig fyrrgreind lagagrein geti átt við í tilfelli þar sem hvorugu kyninu er misjafnað eins og fyrrgreind fundagerð ber með sér. Nú liggur ekki fyrir um hvort auglýsingu er að ræða en í umræddu myndskeiði er enginn neyddur til athafna og aðilar hafa gefið samþykki sitt fyrir birtingu þess. Þetta er staðreynd málsins þó að einhverjum kunni að finanst athæfi þeirra sem í myndbandinu eru ekki samrýmast siðferðisskoðunum sínum. Formaður jafnréttis- og mannréttindaráðs hefur jafnframt viðurkennt að bæði kyn séu hlutgerð. Í lagagreininni kemur fram að mismunun kynjanna er bönnuð en þá verður að draga þá ályktun að í tilfellum þar sem hlutgerving eða lítillækkun kynjanna sé jafn mikil, eigi hún ekki við, nema henni sé einungis ætlað að eiga við um annað kynið.

Að auki hefur háttvirtur bæjarstjóri Kópavogs, Guðrún Pálsdóttir, beint þeim tilmælum til innanríkisráðherra að breyta lögum um skemmtanahald. Þetta gerir hún í þeirri von að hægt verði að koma í veg fyrir skemmtun sem kann eftir atvikum að ganga í berhögg við siðgæði hennar eða annarra sem telja sig eiga erindi til að ákveða hvað megi og hvað megi ekki gera í skemmtanahaldi fullorðinna einstaklinga. Stjórn Týs telur ekki rétt að bæjaryfirvöld eigi að beita sér með þessum hætti um athafnir fullorðins fólks sem ekki feli í sér nauðung eða skerðingu á frelsi annarra. Stjórn Týs bendir ennfremur á að í landinu starfi lögregla sem sjái til þess að lögum sé framfylgt, en henni stendur til boða að gera sérstaka athugun á framkvæmd skemmtikvöldsins til að tryggja löglega framkvæmd. Hlutverk bæjarstjóra er og hefur aldrei verið að vera siðapostuli bæjarbúa eða landsmanna allra.

Stjórn Týs telur óheppilegt að tíma og fjármunum bæjaryfirvalda og þar með bæjarbúa allra sé varið með þessum hætti í málefni sem varða ekki við sveitarfélagið sjálft og telur tilefni til að benda á að bæjaryfirvöld séu ef til vill farin að blanda sér óhóflega í málið.

Stjórn Týs harmar það að bæjaryfirvöld í Kópavogi skuli bera svo litla virðingu fyrir sjálfsákvörðunarrétti fullorðinna einstaklinga að þau telji þörf á að reyna að gera allt sem í sínu valdi stendur til að hamla því svo að samræmist siðgæði þeirra. Það vill þannig til að það er enginn neyddur til að mæta á fyrrgreint skemmtikvöld.

Stjórn Týs, f.u.s. Kópavogi